U Rasii aryštavany kamandny sastaŭ ukrainskaj 72-j bryhady
Rasijski sud u horadzie Krasny Sulin Rastoŭskaj vobłaści aryštavaŭ na dva miesiacy pieciarych aficeraŭ 72-j bryhady.
Pra heta paviedamiŭ supracoŭnik Hienieralnaha konsulstva Ukrainy ŭ Rastovie-na-Donie, jaki znachodziŭsia ŭ pamiaškańni suda.
«Na žal, sud pryniaŭ prahnazujemyja rašeńni — usich pieciarych aficeraŭ aryštavali na 2 miesiacy.
Akramia kamandzira pieršaha bataljona 72-j bryhady, majora Ivana Vajtenka, anałahičnyja rašeńni pryniatyja pa namieśniku kamandzira Vitalu Dubiniaku, kamandziru tankavaha bataljona Alaksandru Palakovu, načalniku štaba Alaksandru Achrymienku i kamandziru pieršaj roty Dźmitryju Ustiłku», — raspavioŭ supracoŭnik konsulstva. Sam jon nie moh prysutničać niepasredna ŭ zale suda, bo sud prachodziŭ u zakrytym režymie.
Nahadajem, 4 žniŭnia 438 ŭkrainskich vajskoŭcaŭ z-za abstrełu vymušanyja byli adstupić na terytoryju RF.
U dalejšym amal usie jany viarnulisia va Ukrainu. Rasija praciahvaje ŭtrymlivać 5 ukrainskich aficeraŭ. Ich «padazrajuć» u «vykarystańni ciažkaha nastupalnaha ŭzbrajeńnia niavybaračnaha dziejańnia», «taksama praviarajecca ich dačynieńnie da abstrełu rasijskaj terytoryi».
***
Ale ŭžo na nastupny dzień u Rastoŭskaj vobłaści niečakana vyzvalili kamandziraŭ ŭkrainskaj 72-j bryhady.
***
Rašeńniem Varoniežskaha suda pad vartaj da kanca žniŭnia budzie znachodzicca i ŭkrainskaja lotčyca Nadzieja Saŭčanka.