Strałkoŭ paviedamiŭ pra poŭnaje akružeńnie Daniecka ŭkraincami, u horadzie iduć bai
Ukrainskaja armija zachapiła horad Krasny Łuč u Łuhanskaj vobłaści, u vyniku Danieck i Horłaŭka apynulisia ŭ akružeńni. Pra heta paviedamlaje RIA «Naviny» sa spasyłkaj na štab bajevikoŭ.
Reuters.com
«Kazaki tradycyjna źbiehli — u horadzie trymajecca tolki maleńki ich atrad. Zdaryłasia toje, pra što ja nieadnarazova papiaredžvaŭ. Daniecka-Horłaŭskaja hrupoŭka vojskaŭ Navarosii całkam akružanaja», — zajaviŭ kamandujučy h.zv. apałčeńniem Ihar Strałkoŭ.
Ciońnia pieršaja pałova dnia ŭ Daniecku prajšła napružana, jość achviary siarod mirnaha nasielnictva. Pra heta UNIAN paviedamili ŭ pres-słužbie Danieckaha harsavieta. «Z roźnicaj u hadzinu adbyłosia dva artabstreły ŭ Piatroŭskim rajonie. U vyniku abiastočany 16 transfarmatarnych padstancyj», — adznačajecca ŭ paviedamleńni.
U vyniku pramoha trapleńnia snarada ŭ Kiraŭskim rajonie pa adrasie vuł. Mahiloŭskaha, 7 zahinuŭ mirny žychar.