Nachvardyja abviarhaje vychad bataljona «Danbas» z boju pad Iłavajskam
Nacyjanalnaja hvardyja Ukrainy abviarhaje infarmacyju adnosna spynieńnia bataljonam «Danbas» vykanańnia bajavych zadač u Iłavajsku Danieckaj vobłaści. Pra heta havorycca ŭ paviedamleńni pres-słužby Nachvardyi.
«Aficyjna paviedamlajem, vajskoŭcy bataljona «Danbas» praciahvajuć vykanańnie bajavych zadańniaŭ pa vyzvaleńni horada Iłavajska. Bajcy bataljona, hieraična adbivajuć kontrataki terarystaŭ i ažyćciaŭlajuć nastup», - havorycca ŭ paviedamleńni.
Pavodle paviedamleńnia, užo vyzvalena bolš za pałovu Iłavajska.
Viečaram 19 žniŭnia na staroncy bataljona «Danbas» u Facebook źjaviłasia paviedamleńnie, što bajcy padraździaleńnia pa stanie na 22:00 vyjšli z boju pad Iłavajskam. U paviedamleńni taksama kazałasia, što ŭ bai zahinuli 4 bajcy bataljona, a taksama pra toje, što paranieny kamandzir «Danbasa» Siamion Siamienčanka praapieravany, jaho lačeńnie zojmie kala 2-3 tydniaŭ.