Siońnia ŭ Minsku projdzie samit ES — Ukraina — MS: prylatajuć Parašenka, Pucin, Eštan
kommersant.ru
Siońnia, 26 žniŭnia, u Minsku zapłanavana sustreča prezidenta Ukrainy Piatra Parašenki z prezidentami Rasii Uładzimiram Pucinym, Biełarusi Alaksandram Łukašenkam i Kazachstana Nursułtanam Nazarbajevym.
Na sustrečy taksama buduć prysutničać viarchoŭny pradstaŭnik ES pa pytańniach źniešniaj palityki i palityki biaśpieki Ketryn Eštan, vice-prezident ES pa pytańniach enierhietyki Hiunter Etynhier i jeŭrakamisar pa pytańniach handlu Karł de Hucht.
Čakajecca, što častka dyskusii budzie tyčycca ekanamičnych aśpiektaŭ dałučeńnia Ukrainy da zony svabodnaha handlu ź ES i źviazanymi z hetym pytańniami supracoŭnictva z krainami Mytnaha sajuza.
Pa paviedamleńniach rasijskich infarmacyjnych ahienctvaŭ, u Kramli nie vyklučajuć asobnaj sustrečy Parašenki i Pucina.
Pa słovach pres-sakratara prezidenta RF Dźmitryja Piaskova, na mahčymaj sustrečy prezidentaŭ Ukrainy i RF buduć abmiarkoŭvacca ŭkrainski kryzis, humanitarnaja dapamoha, patoki biežancaŭ.
Taksama, skazaŭ Piaskoŭ, u chodzie sustrečy mohuć być zakranuty «dvuchbakovyja adnosiny ŭ kantekście padpisańnia Ukrainaj Asacyjacyi ź ES».
Parašenka prylacić u Minsk pieršym, jaho prylot zapłanavany na 11:15, praz 15 chvilin paśla jaho prylataje viarchoŭny kamisar ES pa zamiežnych spravach i palitycy biaśpieki Ketryn Eštan i jeŭrakamisar pa handli Kareł de Hucht,
a 12-j prylataje prezident Kazachstana Nursułtan Nazarbajeŭ, a 13.15 — kŭrakamisar pa enierhietycy Hiunter Etynhier. Pucin maje prylacieć a 13.20.
Siońnia taksama budzie častkova pierakryta MKAD pa darozie z Nacyjaianalnaha aeraporta, uviedzienyja abmiežavańni na ruch na praśpiekcie Pieramožcaŭ z nahody vizitu vysokich haściej