Kidaŭsia na płot, a z rota ciakła piena: u Vaŭkavysku psichatrop prymusiŭ chłopca vyć razam z sabakam
Małady žychar Vaŭkavyska staŭ achviaraj niebiaśpiečnaj prychilnaści da psichatropaŭ.
Pra čarhovy fakt niezakonnaha abarotu psichatropnaha rečyva paviedamiŭ aficyjny pradstaŭnik SK pa Hrodzienskaj vobłaści Siarhiej Šaršanievič.
20-hadovy junak viarnuŭsia dadomu ŭviečary ŭ niećviarozym stanie i, skazaŭšy maci, što vyjdzie pakuryć, pajšoŭ na vulicu. Nieŭzabavie žančyna pačuła, jak adtul danosicca vyćcio.
U dvary jana ŭbačyła syna, jaki vyŭ razam z sabakam, a paśla pačaŭ biehać pa dvary, kidacca na płot, z rota ŭ jaho ciakła piena.
Bryhada chutkaj dapamohi ledź zmahła akazać dapamohu chłopcu na miescy, jaho špitalizavali. Jak vyśvietliłasia, 20-hadovy małady čałaviek atruciŭsia psichatropnymi rečyvami.
Pravaachoŭniki vyjavili ŭ chłopca cełafanavy skrutak i try kanvierty z hrašovych kupiur.
Ekśpierty paćvierdzili, što ŭ ich znachodziłasia asabliva niebiaśpiečnaje psichatropnaje rečyva raślinnaha pachodžańnia.
Maładoha čałavieka aryštavali. Zaviedziena kryminalnaja sprava pa fakcie niezakonnaha abarotu psichatropnaha rečyva. Viadoma, što raniej junak złoŭžyvaŭ śpirtnym.