Rasijskaja armija źniščyła pasiołak Navaśvietłaŭka ŭ Łuhanskaj vobłaści
Rasijskaja armija pa «čečenskim scenary» całkam źniščyła pasiołak Navaśvietłaŭka Łuhanskaj vobłaści.
Pra heta ŭ efiry adnaho z telekanałaŭ zajaviŭ Andrej Łysienka — śpikier Rady nacyjanalnaj biaśpieki, paviedamlaje 5 kanał.
Łysienka adznačyŭ, ruskija dziejničali pa «čečenskim scenary»: pa čarzie, z dapamohaj tankaŭ i sistem załpavaha ahniu rasijskija akupanty źniščyli ŭsie damy ŭ Navaśvietłaŭcy.
Pavodle infarmacyi RNBA, paśla hetaha rasijskija vojski rušyli ŭ napramku pasiołka Chraščavataje.
Akramia taho, praciahvajucca sutyknieńni z terarystami ŭ inšych haradach i pasiołkach Łuhanščyny — pablizu Łutuhina i Stanicy Łuhanskaj.
Da terarystaŭ pastupiła dadatkovaje padmacavańnie ŭ Pieravalsk, Zorynsk, Małaivanaŭku, Małuju Faščaŭku, Vierhuleŭku i Rassypnoje.