Vajciuškievič ahaliŭsia dziela mastactva
Muzyka Źmicier Vajciuškievič pravioŭ fotasesiju ŭ styli «niu».
Aholeny artyst na biełaruskaj scenie — heta ŭžo sensacyja. Muzyka Źmicier Vajciuškievič pravioŭ fotasesiju ŭ styli «niu». Žurnalistam ža Vajciuškievič pakazaŭ usiaho niekalki zdymkaŭ, a taksama raspavioŭ pra svaju daŭniuju maru…
Muzyka Źmicier Vajciuškievič pravioŭ fotasesiju ŭ styli «niu». Škada, ale žurnalistam Vajciuškievič pakazaŭ usiaho niekalki zdymkaŭ — i tyja «pad prykryćciom»: u škarpetkach, abutku j płaščy. Zrazumieła, što artyst pravioŭ dbajny adbor fatahrafijaŭ — pa ich nie zrazumieła navat, ci jość, prabačcie, na muzyku nižniaja bializna. Jakaja prykraść! Dzie ŭ nas jašče ŭbačyć aholenych artystaŭ? Alaksiej Stoks z hurtu «Stoks» lubiŭ pierad publikaj raspranucca, i toj u Maskvu źjechaŭ. Dy jašče i Pita Paŭłava na «Rok‑Karanacyi» ŭ 2000 hodzie možna ŭhadać. U našym šoŭ‑biznesie kali chtości j raspranajecca — hety chtości žanočaha połu. Zrešty, ni Palina Smołova, ni tyja ž Topless taksama daŭno nia radavali čym‑niebudź śviežańkim.
Pa słovach Źmitra, jaho daŭniaj maraj było… nie, nie aholenaja fotasesija. A ŭdzieł u spektaklach. Hetyja zdymki Źmicier pravioŭ z metaj stvareńnia partfolijo dla adnaho niamieckaha spektaklu.
— Nazoŭ śpiektakla j imia režysera nazavu, kali možna budzie, — lakanična prakamentavaŭ Źmicier Vajciuškievič.