Kalady z Uha Čavesam
Aficyjny vizit Alaksandra Łukašenki ŭ Venesuełu adbudziecca da kanca hodu.
«Vizit adbudziecca ŭ pačatku abo siaredzinie śniežnia. Kali budzie pryniata kankretnaje rašeńnie pa vylecie, ja pakul nie mahu skazać», — zaznačyŭ pres‑sakratar.
Aprača taho, u śniežni ŭ Karakasie projdzie Nacyjanalnaja vystava Respubliki Biełaruś. Jak paviedamlaje aficyjny sajt Biełaruskaj handlova‑pramysłovaj pałaty, vystava «Expo Feria «BELARUS‑2007» projdzie 6—10 śniežnia. Pavodle infarmacyi pasolstva Vieniesueły ŭ Biełarusi, vieniesuelski bok uskładaje na siabie ŭsie raschody pa transparciroŭcy ŭ Karakas biełaruskich vystavačnych tavaraŭ i ŭstanoŭcy abstalavańnia. Vieniesueła taksama źbirajecca zakupić usiu pradukcyju, što Biełaruś budzie ekspanavać na vystavie.
Tym časam u Karakasie rychtujecca da adkryćcia biełaruskaje pasolstva. Jak paviedamiła BiełaPAN načalnik adździeła pres‑słužby biełaruskaha MZS Maryja Vańšyna, časovy pavierany ŭ spravach Biełarusi znachodzicca ŭ stalicy Vieniesueły ŭžo bolš za miesiac, ale dakładnaja data cyrymonii adkryćcia pasolstva pakul nie vyznačana.