Purhin: «DNR» i «ŁNR» — za samavyznačeńnie ŭ miežach Danieckaj i Łuhanskaj abłaściej
Andrej Purhin u Minsku, fota Tut.by
Kiraŭniki tak zvanych «DNR» i «ŁNR» vystupajuć za samavyznačeńnie samaabvieščanych respublik u administracyjnych miežach Łuhanskaj i Danieckaj abłaściej,
zajaviŭ ahienctvu «Interfaks» tak zvany «vice-premjer DNR» Andrej Purhin.
«Ukraina budzie sprabavać pakinuć nas častkaj svajoj prastory, adnak my praciahniem kurs na samavyznačeńnie», — skazaŭ jon i dadaŭ, što «na peŭnyja kampramisy z Kijevam, biezumoŭna, pryjdziecca pajści».
Raniej pierad pieramovami ŭ Minsku sieparatysty zapatrabavali pryznać «asablivy status» tak zvanych «DNR» i «ŁNR» u składzie Ukrainy.
Napiaredadni daradca prezidenta Ukrainy Juryj Łucenka zajaviŭ, što asablivy status «u składzie cełasnaj Ukrainy» atrymajuć, pavodle padpisanych u Minsku pratakołaŭ, tolki tyja terytoryi Danbasa, jakija ciapier padkantrolnyja «sieparatystam».