Futbalisty «Karpataŭ» buduć vučycca stralać z aŭtamata i hranatamiota
U čaćvier, 11 vieraśnia, lvoŭskija «Karpaty» zapłanavali pravieści šerah patryjatyčnych mierapryjemstvaŭ, da jakich zaprašajuć dałučycca zaŭziataraŭ.
Tak, u 10:00 «zialona-biełyja» ŭskładuć kvietki da pomnika Ściapanu Banderu — simvału nacyjanalna-vyzvolnaha ruchu ŭkrainskaha naroda, paviedamlaje sajt futbolnaha kłuba.
Akramia hetaha, na płoščy pierad pomnikam lvavianie pradstaviać vieteranam nacyjanalna-vyzvalenčaj baraćby, žurnalistam i zaŭziataram novy kamplekt čyrvona-čornaj formy.
U novych čyrvona-čornych futbołkach lvavianie zhulajuć u niadzielu ŭ Pałtavie ŭ matčy suprać «Vorskły».
Paśla ŭskładańnia kvietak i prezientacyi formy, «lvy» ŭ poŭnym składzie adpraviacca na palihon kala vioski Staryčy.
«Uličvajučy ciažkija dla našaj dziaržavy časy, kožny čałaviek pavinien umieć trymać u rukach zbroju i umieć joj karystacca. Vajennyja instruktary navučać futbalistaŭ «Karpataŭ» asnoŭnym navykam pavodzinaŭ z aŭtamatami, snajpierskimi vintoŭkami i hranatamiotami», — havorycca ŭ paviedamleńni.