Šerah rehijonaŭ Rasii pravierać na rabotu va ŭmovach vajennaha času
Takoje daručeńnie kiraŭnik rasijskaj dziaržavy daŭ naroŭni z ukazańniem pravieści raptoŭnuju pravierku bajavoj hatoŭnaści ŭsiaho składu vojskaŭ Uschodniaj vajskovaj akruhi.
Viarchoŭny hałoŭnakamandujučy US RF Uładzimir Pucin daručyŭ pravieryć šerah infrastrukturnych viedamstvaŭ i rehijonaŭ Dalokaha Uschodu na pradmiet «hatoŭnaści da vykanańnia zadač va ŭmovach vajennaha času», paviedamiŭ u čaćvier ministr abarony Siarhiej Šajhu.
Pa słovach Šajhu, prezident Rasii daručyŭ Minabarony sumiesna z Hałoŭnym upraŭleńniem śpiecyjalnych prahram ažyćciavić pravierku Minpramhandlu, Minkamsuviazi, Mintransa, Rasdruku, Rassuviaźzi, Rasavijacyi, Rasaŭtadara dy inš. padviedamasnych im arhanizacyjami, administracyj Zabajkalskaha, Prymorskaha, Chabaraŭskaha i Kamčackaha krajoŭ, Amurskaj i Sachalinskaj abłaściej «pa pytańniach hatoŭnaści da vykanańnia zadač va ŭmovach vajennaha času».