U Kijevie praviali futbolny matč pamiaci Valancina Bialkieviča
Adzin z najlepšych hulcoŭ u historyi biełaruskaha futboła Valancin Bialkievič pajšoŭ z žyćcia 1 žniŭnia
U niadzielu, 28 vieraśnia, u Kijevie adbyŭsia matč pamiaci znakamitych hulcoŭ kijeŭskaha «Dynama» Valancina Bialkieviča, Andreja Bala i Andreja Husina, jakija niadaŭna zaŭčasna pajšli z žyćcia.
Kamandy byli padzielenyja na «Biełych» i «Sinich». Matč zaviaršyŭsia bajavoj ničyjoj — 3:3. Adzin z hałoŭ zabiŭ siabra Valancina Bialkieviča Alaksandr Chackievič.
Miačy taksama na rachunku Siarhieja Rabrova, Aleha Husieva, Aleha Vianhlinskaha, Hieorhija Demietradze i Andreja Šaŭčenki.
Hałoŭny pasył, zrobleny ŭdzielnikami hulni — žyćcio praciahvajecca i treba z uśmieškaj uspomnić svaich siabroŭ, jakija daryli dabro i śviatło.
Kijeŭskaje «Dynama» pachavała troch svaich lehiendarnych hulcoŭ praktyčna na praciahu miesiaca. Biełarus Valancin Bialkievič pamior 1 žniŭnia. Bal pajšoŭ na toj śviet 9-ha. A Husin zahinuŭ 17 vieraśnia.