U Minsku spynialisia tralejbusy i tramvai, była adklučana elektryčnaść na poŭnačy horada
Jeŭraradyjo
U Minsku prypynieny ruch 9 tralejbusnych i 4 tramvajnych maršrutaŭ z-za abryvu kabiela.
Pra heta paviedamili ŭ Ministerstva pa nadzvyčajnych situacyjach.
«Siońnia ŭ 07.43 u vyniku abryvu kabiela na elektryčnaj padstancyi «Zialony łuh» ŭ Minsku adbyłosia adklučeńnie enierhazabieśpiačeńnia spažyŭcoŭ u rajonie vulic Hamarnika, Łahojskim trakcie, Mirašničenka, Kalcova, Šyrokaja, Karbyšava, Cikockaha. Adbyłosia spynieńnie hramadskaha transpartu: 9 tralejbusnych i 4 tramvajnych maršrutaŭ», — raspaviali ŭ MNS.
Na miescy zdareńnia pracavali avaryjnyja bryhady RES-3 i UP «Minskija kabielnyja sietki». Adnaŭleńnie pracy elektryčnaści adbyłosia ŭ 09:06