23-hadovy nalotčyk, jaki ŭziaŭ u zakładniki kasira abmieńnika ŭ Minsku, pamior u balnicy
fota z sajta Śledčaha kamiteta
Pra heta paviedamiła ŭ siońniašnim numary hazieta «SB — Biełaruś siehodnia». Heta adbyłosia ŭ druhoj pałovie dnia 2 kastryčnika.
Infarmacyju pra heta TUT.BY paćvierdzili ŭ balnicy, kudy byŭ dastaŭleny padazravany paśla zatrymańnia ŭ chodzie siłavoj apieracyi. Maładomu čałavieku viečaram 1 kastryčnika była praviedziena apieracyja. 2 kastryčnika jon pamior u reanimacyi.
Nahadajem, što nalot adbyŭsia dniom 1 kastryčnika. 23-hadovy žychar Mastoŭskaha rajona ŭvarvaŭsia ŭ punkt abmienu valut «Biełśvisbanka» ŭ HC «Ščaście» na praśpiekcie Niezaležnaści ŭ Minsku (st. mietro «Uschod») padčas abiedziennaha pierapynku. Prabraŭsia ŭnutr, pahražajučy kasiru pistaletam Makarava.
Jon vyłučyŭ patrabavańni: dać jamu syści z hrašyma. U advarotnym vypadku pahražaŭ zabić 18-hadovuju dziaŭčynu. Jana, uradženka Karelickaha rajona, tolki dva miesiacy tamu pierajechała ŭ Minsk.
Paśla niekalkich hadzin biespaśpiachovych pieramovaŭ było vyrašana pravieści siłavuju apieracyju. Napadnik byŭ abiasškodžany ŭ ličanyja chviliny.
Zakładnica padčas šturmu nie paciarpieła. Joj akazali psichałahičnuju dapamohu. Taksama paviedamlałasia, što nalotčyk paranieny ŭ hałavu.