Palicyja Hankonha zajaviła pra aryšt 19 «citušak»
Hankonskija ŭłady paviedamili pra aryšt 19 čałaviek, jakija zładzili sieryju napadaŭ na ŭdzielnikaŭ akcyj pratestu. Siarod aryštavanych, pavodle palicyi, vaśmiora — z tajnych złačynnych arhanizacyj — tryjad, pieradaje Bi-bi-si.
U handlovym rajonie Mon-Kok arhanizavanyja hrupy maładych ludziej sarvali pałatki pratestoŭcaŭ i pačali bojku.
Palicyjantam udałosia raźniać baki paśla taho, jak jany stali pamiž imi «žyvym łancuhom».
Palicyja admaŭlaje abvinavačvańni demanstrantaŭ u tym, što za źbićciom mitynhoŭcaŭ stajać pradstaŭniki ŭładaŭ. Taki pryjom staŭ šyroka viadomy paśla padziej na Majdanie ŭ Kijevie, dzie ŭłada Janukoviča vykarystoŭvała kryminalnych najomnikaŭ-«citušak».
Demanstranty ź minułych vychodnych błakujuć dostup u centralnyja rajony horada. Jany niezadavolenyja płanami Piekina pravodzić adbor kandydataŭ na pasadu kiraŭnika administracyi Hankonha na vybarach u 2017 hodzie.