Pucin nazvaŭ hałoŭnuju trahiedyju Ukrainy
tass.com
«Heta adčužeńnie ŭkrainskaha i ruskaha narodaŭ. Heta samaja vialikaja trahiedyja. I, viadoma, pry ŭsich najaŭnych siońnia prablemach treba šukać šlach, kab pieraadoleć hety stan», — skazaŭ prezident Rasii na sustrečy z členami prezidenckaha savieta pa pravach čałavieka.
Kažučy ab humanitarnaj dapamozie ŭschodnim abłaściam Ukrainy, Pucin padkreśliŭ, što Rasija nie moža «skłaŭšy ruki hladzieć na toje, jak ludzi prosta pamirajuć — abo ad hoładu (…), abo bieź miedykamientaŭ i biez akazańnia miedycynskaj dapamohi». Pavodle jaho słoŭ, u hetym pytańni humanitarny składnik važniej za pravavy.
Praciahvajučy temu humanitarnaj dapamohi, rasijski lidar nazvaŭ «durju» admovu ŭkrainskich čynoŭnikaŭ akazvać padtrymku žycharam Kramatorska na padstavie taho, što horad nie źjaŭlajecca častkaj Ukrainy.
«Z nahody taho, što niechta ŭnutry Ukrainy admaŭlajecca davać dapamohu, płacić dapamohu? — My nie možam na ich paŭpłyvać. Vy skazali, što niejki čynoŭnik skazaŭ, što Kramatorsk ci niejki tam horad — heta navat nie Ukraina, jon prosta poŭny idyjot. Mała taho, što jon nie vykonvaje svajho abaviazku, jon jašče i ździajśniaje złačynstva suprać svajoj ułasnaj krainy, jon śviadoma adrazaje častku terytoryi. Chto jaho na heta ŭpaŭnavažyŭ, ja nie viedaju. Prosta heta dur», — zajaviŭ prezident.