Siarhiej Darafiejeŭ pajšoŭ pracavać na teleprajekt radyjo «Svaboda»
U internecie siońnia vykładziena pieršaja pieradača «Nastojaŝieje vriemia».
Pry zahruzcy vykarystoŭvajecca łahatyp radyjo «Svaboda».
Heta — paŭhadzinnaja pieradača. U pieršym vypusku — Jaŭlinski pra Chadarkoŭskaha, adziny vorah Kadyrava i bunt Nachvardyi ŭ Kijevie.
Błok navinaŭ z Prahi prezientuje viadomy biełaruski žurnalist Siarhiej Darafiejeŭ.
«Aŭdytoryi Rasii, Biełarusi, Ukrainy, Małdovy, Hruzii, Łatvii, Litvy, Estonii ciapier budzie praściej raźbiracca ŭ navinach, — kaža Siarhiej, — Vy hladzicie pieršy vypusk novaj infamarcyjnaj prahramy Nastojaŝieje vriemia. Heta 30 chvilin abjektyŭnaha pohladu na śviet, heta samyja aktualnyja naviny. Štoviečar my ŭ sietcy Interniet, anałahavym viaščańni krain i na spadarožnikavaj płatformie».
Prahrama zaklikana procidziejničać rasijskaj prapahandzie, što viadziecca na 1-m kanale i ŭ pryvatnaści prahramie Vriemia, jakaja retranślujecca ŭ tym liku i ŭ Biełarusi.