Samit G20: ZŠA, Japonija i Aŭstralija buduć sumiesna vystupać suprać anieksii Kryma
REUTERS
Prezident ZŠA Barak Abama, premjer-ministr Japonii Sindza Abe i premjer-ministr Aŭstralii Toni Ebat padčas trochbakovaj sustrečy na samicie «Vialikaj dvaccatki» ŭ Bryśbienie zajavili, što jany
buduć sumiesna vystupać suprać «vierahodnaj anieksii Rasijaj Krymu i jaje dziejańniaŭ pa destabilizacyi ŭschodniaj Ukrainy».
Try lidary byli adnadušnyja ŭ mierkavańni ab nieabchodnaści najchutčejšaha zaviaršeńnia rasśledavańnia i pryciahnieńnia da adkaznaści asob, vinavatych u katastrofie rejsa MH17 ŭ niebie nad Danbasam.
Rasija, jak viadoma admaŭlaje svaju datyčnaść da vajny na ŭschodzie Ukrainy i da katastrofy małajzijskaha Boinha.
Naroŭni z ukrainskaj tematykaj, lidary ZŠA, Aŭstralii i Japonii abmierkavali krytyčnuju situacyi ŭ suviazi z uspyškaj lichamanki Eboła, «likvidacyju paŭnočnakarejskaj jadziernaj i rakietnaj pahrozy» i «pytańni pravoŭ čałavieka ŭ Paŭnočnaj Karei, u tym liku vykradańni», cytuje ich sumiesnuju zajavu ahienctva Rojterz.
Asobna abmiarkoŭvałasia pytańnie nieabchodnaści «mirnaha ŭrehulavańnia, u adpaviednaści ź mižnarodnym pravam, marskich sprečak» pamiž Kitajem i jaho susiedziami nakont astravoŭ u Paŭdniova-Kitajskim mory.