U Dyžonie (Francyja) kiroŭca z krykami «Ałach akbar» źbiŭ 11 piešachodaŭ
Dvoje ź ich atrymali surjoznyja cialesnyja paškodžańni.
Za paŭhadziny mužčyna ździejśniŭ prynamsi piać najezdaŭ na piešachodaŭ u Dyžonie, centry francuzskaha rehijona Burhundyja. Paśla hetaha palicyi ŭdałosia jaho aryštavać. Chutčej za ŭsio, heta psichična nieŭraŭnavažany čałaviek, bo raniej jon prachodziŭ lačeńnie ŭ psichijatryčnaj lakarni.
A ŭ subotu francuzskija palicyjanty zastrelili mužčynu, jaki kinuŭsia na ich z nažom i taksama z krykam «Ałach akbar».
«Ałach akbar» pa-arabsku aznačaje «Boh vialiki». U isłamie hetaja fraza nazyvajecca jašče «takbir», abo «vieličańnie». Heta vyhuk radaści, jaho vymaŭlajuć padčas malitvy, a taksama jak bajavy klič.