Samyja papularnyja biełarusy «UKantakcie»: chto jany i chto ich čytaje
Kali ŭ fejsbuku biełarusy łajkajuć dopisy Mikałaja Chalezina ci Niki Sandras, to ŭ samaj papularnaj sietcy Ukantakcie pišuć našmat mienš.
Papularnymi robicca pryhožyja i znakamityja, «błohierski» farmat staronak nie zapatrabavany. «Naša Niva» pahladzieła na samych papularnych biełarusaŭ u VK i razabrałasia, za što ich łajkajuć.
Maks Korž
325 000 padpisčykaŭ
Dziva što Korž aktyŭna juzaje mienavita hetuju sacsietku — tut jahonyja asnoŭnyja słuchačy.
Dzima Jarmuzievič
93 000 padpisčykaŭ
16-hadovy videabłohier z Homiela istotna adstaje ad Maksa Karža, ale moža pachvalicca jašče i 193k padpisčykaŭ na ŭłasnym JUTub-kanale. Asabliva papularnymi vychodziać videa z tancami.
Ahułam jahonyja videa prahladali bolš za 9 miljonaŭ razoŭ.
Kacia Koba
83 000 padpisčykaŭ
U VK prosta pryhožyja dziaŭčyny majuć tysiačy fałovieraŭ. Kacia Koba naźbirała 8 dziesiatkaŭ tysiač jašče i tamu, što jana 1) fotamadel, 2) televiadučaja na Biełaruś-1, 3) zdymałasia ŭ klipie Maksa Karža:)
Darečy, Instahram biełaruskaj pryhažuni kudy bolš papularny — jaje čytaje 240 tysiač čałaviek.
Andrej Šaviel
78 000 padpisčykaŭ
Videabłohier z horada Lidy. Zdymaje jon prykładna takija videa.
Nie treba šukać hetamu tłumačeńnia. Niechta pavinien być papularnym videabłohieram. 86 tysiač padpisčykaŭ na JUTub i bolš za 2 młn prahladaŭ kanała.
Nataša Mańkoŭskaja
63 000 padpisčykaŭ
Nataša Mańkoŭskaja źniałasia ŭ biełaruśfilmaŭskim «Padienije vvierch» (ja taksama nie čuŭ pra taki), ale papularnaść zdabyła dziakujučy svajoj pryhažości i takim fotazdymkam.
Chacia, moža i praz svaju luboŭ da vieršaŭ Siarhieja Jasienina i niežadańnie adstupać ad maralnych pryncypaŭ (tak charaktaryzujecca Mańkoŭskaja ŭ hrupie, pryśviečanaj joj). Tam ža možna znajści infarmacyju ab konkursach pryhažości, dzie Nataša zajmała pryzavyja miescy.
Jašče 53 tysiačy čałaviek hladzić jaje fota ŭ instahramie.
Taćciana Baleckaja
40 000 padpisčykaŭ
Pra litaraturnyja pieravahi Taćciany źviestak niama. Jana madel, pracuje ŭ Minsku.
Siarhiej Astroŭski
34 000
Šoŭmen i iluzijanist. Pakazvaje fokusy, hatovy pryjechać da vas na śviata. Tak i piša ŭ siabie na staroncy.