Rasijski śpiecnazaviec arhanizavaŭ kanał niezakonnaj mihracyi ź Biełarusi ŭ ES
Śpiecnaz Dziaržaŭnaha pahraničnaha kamiteta Biełarusi pierakryŭ kanał niezakonnaj mihracyi ŭ krainy Jeŭrapiejskaha sajuza.
Jak paviedamiŭ BiełaPAN pres-sakratar Dziaržpahrankamiteta Alaksandr Ciščanka, padčas śpiecyjalnaj apieracyi supracoŭniki Asobnaj słužby aktyŭnych mierapryjemstvaŭ sumiesna z Hrodzienskaj pahraničnaj hrupaj pierakryli kanał niezakonnaj mihracyi ŭ Litvu. Na miescy złačynstva zatrymany arhanizatar kanała, dva saŭdzielniki i 12 niezakonnych mihrantaŭ z Vjetnama.
Viečaram 30 śniežnia ŭ Hrodzienskim rajonie pradstaŭniki mižnarodnaj transnacyjanalnaj złačynnaj hrupy pasprabavali pierapravić praź miažu niezakonnych mihrantaŭ.
Saŭdzielniki, vychadcy z Uźbiekistana i Azierbajdžana, na roznych aŭtamabilach dastavili da miažy ź Litvoj dźvie hrupy nielehałaŭ, dzie ich čakaŭ arhanizatar, hramadzianin Rasii — vychadziec z Čačni, jaki pavinien byŭ zabiaśpiečyć niezakonny pierachod miažy. Ustanoŭlena, što arhanizatar maje vopyt słužby ŭ śpiecpadraździaleńniach. Pra heta śviedčyła i jaho surjoznaja ekipiroŭka.
Ciapier pravodziacca piarvičnyja śledčyja dziejańni i pravierka ŭdzielnikaŭ złačynnaj hrupy na dačynieńnie da ekstremisckaj i terarystyčnaj dziejnaści. Vyrašajecca pytańnie ab raspačynańni kryminalnaj spravy za arhanizacyju niezakonnaj mihracyi.