Jakija amatary hulali za kamandu Łukašenki?
«Kamanda prezydenta Biełarusi» ŭ čarhovy raz stała pieramožcam čaćviortaha Kaladnaha turniru amataraŭ chakieju. Tolki što ŭ adroźnieńnie ad kamandaŭ haściej sapraŭdnych amataraŭ u joj było niašmat.
«Kamanda prezydenta Biełarusi» stała pieramožcam čaćviortaha kaladnaha turniru amataraŭ chakieju, što prajšoŭ u Miensku. U finale kamanda Łukašenki pieramahła rasiejcaŭ ź likam 6:2.
Tolki adnojčy pryz źjechaŭ ź Biełaruś. Letaś u finalnym matčy kamanda kiraŭnika dziaržavy sastupiła rasiejskamu “Hazpromu”. Moža, akurat tamu Rasieju sioleta pradstaŭlaŭ nie “Hazprom”, a klub “Aŭtatrejd” z Taljaci.
Na adkryćci turniru Łukašenka paraŭnaŭ jaho z čempijanatam śvietu siarod amataraŭ. U dziaržaŭnych ŚMI taksama ŭvieś čas padkreślivałasia, što turnir amatarski. I što ž za amatary hulali ŭ składzie biełaruskaj kamandy popleč z prezydentam i jahonymi synami? Siarhiej Šytkoŭski, Alaksandar Makrycki, Vadzim Biekbułataŭ, Aleh Ramanaŭ, Uładzimier Cypłakoŭ, Aleh Chmyl, Alaksandar Andryjeŭski, Andrej Kavaloŭ, Aleh Mikulčyk doŭhija hady byli liderami nacyjanalnaj zbornaj i zusim niadaŭna syšli ź vialikaha chakieju. Niekatoryja ź ich navat pahulali ŭ NCHŁ. Dźmitryj Karpikaŭ i siońnia abaraniaje varoty lidera nacyjanalnaha pieršynstva “Kieraminu” i zbornaj krainy. Takim čynam, pakul kanadcy ź finami pryvoziać u Miensk dvarovyja kamandy, my vystaŭlajem skład zbornaj siamihadovaj daŭniny. I — ura! — pieramahajem.