Prezident PAR abviaściŭ pra eksprapryjacyju ziamiel u biełych uładalnikaŭ
netwerk24.com
Prezident PAR Džejkab Zuma abviaściŭ ab eksprapryjacyi ziamiel, adznačyŭšy, što heta praduhledžana kanstytucyjaj krainy. Pra heta ŭ subotu, 10 studzienia, paviedamlaje News24.
«Ziamla budzie viernuta našamu narodu, i my zaklikajem urad dziejničać chutka i pryniać adpaviednaje zakanadaŭstva ŭžo ŭ hetym hodzie. Eksprapryjacyja budzie ažyćcioŭlena ŭ adpaviednaści z kanstytucyjaj», — zajaviŭ Zuma, vystupajučy na śviatkavańni 103-j hadaviny kirujučaj partyi Afrykanski nacyjanalny kanhres.
Kanstytucyja PAR praduhledžvaje vypłatu kampiensacyi za eksprapryjavanyja ziamli.
Papraŭka da «Zakonu ab restytucyi pravoŭ na ziamlu», jakaja dazvalaje ŭradu PAR eksprapryjavać ziemli biełych fiermieraŭ z vypłataj hrašovaj kampiensacyi biez rašeńnia suda, ustupiła ŭ siłu ŭ 2004 hodzie. Heta tyčycca tolki toj ziamli, ź jakoj raniej niezakonna sahnali jaje spradviečnych haspadaroŭ — afrykancaŭ. Zakon zaklikany źmianić stanovišča, jakoje dazvoliła biełym pierasialencam zabrać ziamlu ŭ karennaha čarnaskuraha nasielnictva bolš za 100 hadoŭ tamu.
Užo kala 1,8 młn čałaviek skarystalisia prahramaj urada pa restytucyi ziamiel. Afrykanski nacyjanalny kanhres zaniepakojeny takim tempam pieraraźmierkavańnia ziamiel.