Mitrapalit Pavieł: Relihijnyja karykatury siejuć tolki varožaść i nianaviść
Relihijnyja karykatury siejuć u hramadstvie tolki varožaść i nianaviść. Takoje mierkavańnie vykazaŭ mitrapalit Minski i Zasłaŭski Pavieł, patryjaršy ekzarch usiaje Biełarusi, na pres-kanfierencyi ŭ Minsku 20 studzienia, kamientujučy pa prośbie žurnalistaŭ terakt u redakcyi francuzskaha časopisa Charlie Hebdo.
«Ja nie viedaju, jakaja meta ŭ hetych karykatur. Kali pakazać svajo majsterstva mastackaje, to vy sami, napeŭna, možacie pierakanacca, jano na takim uzroŭni, što i mastactvam nielha nazvać, a voś varožaść i nianaviść jano pasieje A navošta, kamu heta treba? Čaho jany dabilisia hetym?» — skazaŭ jon.
Pradstajaciel BPC adznačyŭ, što miljony ludziej šanujuć praroka Muchamieda i dla ich jon śviaty. «I navošta na jaho rabić karykatury? Što chočuć hetyja ludzi? Ja nie viedaju. Heta sproba sutyknuć ludziej», — ličyć Pavieł.
Na dumku mitrapalita, kali zakranajucca relihijnyja pačućci viernikaŭ, to i maŭčańnie źjaŭlajecca zdradaj Boha. «Tamu ja jak pravasłaŭny chryścijanin abaviazkova pavinien adreahavać, kali ŭ majoj prysutnaści hańbicca imia Boha. Dla Boha hetaja hańba ničoha nie aznačaje, Boh sam potym raźbiarecca z hetym abhavorščykam, ale siońnia lubaja hańba abo karykatura, napeŭna, źjaŭlajecca niejkaj pravakacyjaj. Značyć, jość niejkaja sproba razhajdać narmalny ład žyćcia ludziej, pasvaryć, vyklikać pačućcio nianaviści, zajzdraści, hnievu», — miarkuje patryjaršy ekzarch.