U Kijevie zatrymali biełarusa, jaki pahražaŭ minakam hranataj
U Kijevie zatrymali biełarusa, jaki pahražaŭ minakam hranataj «F-1». Jak paviedamlaje pres-słužba MUS Ukrainy, mužčyna znachodziŭsia u stanie ałkaholnaha apjanieńnia.
«Siońnia, 2 lutaha, kala hadziny nočy pa vulicy Cimašenki ŭ Kijevie supracoŭniki narada patrulnaj słužby Abałonskaha rajupraŭleńnia zatrymali mužčynu ŭ stanie ałkaholnaha apjanieńnia. Jon pahražaŭ minakam hranataj «F-1», jakuju trymaŭ u ruce ŭ bajavoj hatoŭnaści (biez čeki)», — havorycca ŭ paviedamleńni.
Staršy patrulnaha narada adabraŭ u pravaparušalnika hranatu i zatrymaŭ jaho. «Paśla hetaha milicyjanier vyvieŭ hranatu sa stanu bajavoj hatoŭnaści — ustaviŭ u jaje achoŭnuju čeku», — padkreślivajecca ŭ paviedamleńni.
Jak udakładniaje pres-słužba MUS, zatrymany nazvaŭsia 32-hadovym hramadzianinam Biełarusi. Pavodle jaho słoŭ, jon źjaŭlajecca vajennasłužačym bataljona «Ajdar», ale dakumienty z paćviardžeńniem hetaha ŭ jaho adsutničali. Jak ustanavili pravaachoŭnyja orhany, ź listapada minułaha hoda mužčyna ŭ Biełarusi znachodzicca ŭ vyšuku jak bieź viestak źnikły.
Biełaruskija dypłamaty ŭdakładniajuć hetuju infarmacyju.
«Hałoŭnaje ŭpraŭleńnie MUS Ukrainy pa Kijevie paviedamiła biełaruskaj dypmisii, što nočču 2 lutaha byŭ zatrymany hramadzianin Respubliki Biełaruś, jakomu vystaŭlenyja abvinavačvańni ŭ niezakonnym zachoŭvańni zbroi i bojeprypasaŭ. Ciapier biełaruskaja dypmisija ŭ kantakcie z pravaachoŭnymi orhanami ŭdakładniaje infarmacyju pra zatrymanaha», — paviedamiŭ pres-sakratar MZS Biełarusi Dźmitryj Mirončyk.