Greenpeace: Rasijskija pažary pierasiekli miažu z Manholijaj
Stepavyja pažary, jakimi achopleny Zabajkalski kraj, z-za mocnaha vietru pierasiekli miažu z Manholijaj i prasunulisia ŭhłyb na 80 kiłamietraŭ, paviedamlaje kiraŭnik lasnoha adździeła rasijskaha padraździaleńnia «Hrynpis» Alaksiej Jarašenka.
Pažar raspaŭsiudžvajecca ŭ bok miažy z Kitajem; fota chita.ru
Jon pryvodzić dadzienyja spadarožnikavaj zdymki sistemy FIRMS z termakropkami, pavodle jakich 18 krasavika pažar pierajšoŭ u Manholiju z zachodniaj častcy Anonskaha rajona Zabajkalla, i na nastupny dzień ahniom byli achoplenyja stepy pa abodva baki miažy.
Ciapier pažar raspaŭsiudžvajecca ŭ paŭdniova-ŭschodnim napramku ŭ bok miažy z Kitajem, da jakoj napiaredadni zastavałasia mienš za sto kiłamietraŭ.
Na terytoryi Rasii stepavy pažar, pavodle acenak Jarašenki, raspaŭsiudziŭsia na płoščy kala tryccaci tysiač hiektaraŭ. Jon śćviardžaje, što MNS nie razhladaje stepavyja pažary jak lasnyja, tamu «ŭ aficyjnych zvodkach hety pažar nie fihuruje».
Napiaredadni Zabajkalskaje ŭpraŭleńnie MNS paviedamiła ab stabilizacyi pažarnaj abstanoŭki ŭ rehijonie. Tušeńniem pažaraŭ ciapier zajmajucca bolš za try tysiačy čałaviek, jakija vykarystoŭvajuć bolš za 300 adzinak techniki. Usiaho ŭ vyniku chutkaha raspaŭsiudžvańnia ahniu ŭ Zabajkalli zhareli kala 500 žyłych i dačnych damoŭ, paciarpieli bolš za 21 tysiaču čałaviek, piać čałaviek zahinuli.