Valutnaja vyručka Biełarusi źniziłasia ŭ pieršym kvartale na $2,5 młrd
U studzieni—sakaviku 2015 hoda valutnyja pastupleńni Biełarusi skłali 7,74 młrd dalaraŭ i źnizilisia na 2,5 młrd dalaraŭ u paraŭnańni z anałahičnym pieryjadam minułaha hoda/ Cioleta valutnaja vyručka znachodzicca na minimalnym z 2011 hoda ŭzroŭni.
Asobna ŭ sakaviku hrašovyja pastupleńni pa eksparcie tavaraŭ i pasłuh, dachodach i tranśfiertach skłalisia na ŭzroŭni 2,9 młrd dalaraŭ, što nižej za ŭzrovień anałahičnaha miesiaca minułaha hoda na 22,5%. U lutym i studzieni, nahadajem, valutnyja pastupleńni składali 2,3 młrd i 2,55 młrd dalaraŭ (suprać 3,3 młrd dalaraŭ i 3,2 młrd. dalaraŭ u lutym i studzieni 2014 hoda adpaviedna).
Značnaje źnižeńnie valutnaj vyručki ŭ pieršym kvartale 2015 hoda abumoŭlenaje hałoŭnym čynam skaračeńniem abjomaŭ ekspartu tavaraŭ. Za studzień—sakavik hetaha hoda valutnyja pastupleńni Biełarusi ad ekspartu tavaraŭ skłali 6,1 młrd. dołaraŭ i źnizilisia na 26,9% u paraŭnańni ź pieršym kvartałam 2014 hoda. Z ulikam pasłuh valutnyja pastupleńni skłali 7,56 młrd. dalaraŭ.
Skaračeńnie ekspartnaj vyručki adbyłosia ŭ pieršuju čarhu ŭ vyniku źnižeńnia biełaruskich pastavak u Rasiju. Za pieršy kvartał 2015 hoda hrašovyja pastupleńni Biełarusi z Rasii skłali 2,76 młrd dalaraŭ i skaracilisia ŭ paraŭnańni z anałahičnym pieryjadam 2014 hoda na 34,3%.