Vyznačany kryminalnyja stalicy Biełarusi KARTA
Najbolšaja kolkaść złačynstvaŭ fiksujecca na Łahojščynie, najmienšaja — vakoł Brasłava.
Ahułam va ŭsioj krainie było zafiksavana 93 932 złačynstvy. Heta najmienšaja ličba ŭ paraŭnańni z papiarednimi hadami.
Najčaściej ździajśnialisia kradziažy (43,1%), złačynstvy, źviazanyja z narkotykami (7,8%) i machlarstva (4,3%).
Najbolšaja kolkaść złačynstvaŭ fiksavałasia ŭ Minsku — bolš za 20 tysiač, adnak ŭ pieraliku na nasielnictva ličby nie vyhladajuć fatalnymi.
Kali ž kazać pra kolkaść złačynstvaŭ pa rajonach, to ŭ lidarach nastupnyja rehijony:
| 1 | Łahojski | 1597* |
| 2 | Puchavicki | 1584 |
| 3 | Hłuski | 1563 |
| 4 | Smalavicki | 1547 |
| 5 | Šumilinski | 1543 |
| 6 | Biarezinski | 1510 |
| 7 | Krupski | 1440 |
*tut i dalej – kolkaść zarehistravanych złačynstvaŭ na 100 tysiač nasielnictva
U cełym uzrovień złačynnaści va ŭschodniaj Biełarusi vyšejšy, čym u Zachodniaj. Ale najvyšejšy ŭzrovień — u rajonach vakoł Minska, kudy, vidavočna, vyciskajecca kryminalny i dekłasavany elemient sa stalicy.
Asobna treba ŭzhadać vakolicy Babrujska. Jak i raniej, Babrujski rajon (za vyniatkam samoha rajcentra) maje vysokija pakazčyki złačynnaści. Adnak ciapier my vyrašyli dla bolš abjektyŭnaj karciny abjadnać ličby horada i rajona.
Samyja biaśpiečnyja rajony vyhladajuć nastupnym čynam:
| 1 | Brasłaŭski | 543 |
| 2 | Žabinkaŭski | 603 |
| 3 | Drahičynski | 604 |
| 4 | Ivanaŭski | 606 |
| 5 | Lachavicki | 632 |
| 6 | Navahrudski | 643 |
| 7 | Voranaŭski | 652 |
Kolkaść zarehistravanych złačynstvaŭ u pieraliku na 100 tysiač čałaviek. Čym śviatlejšy koler, tym złačynstvaŭ mienš. U haradach: čym bolšy kružok, tym bolšaja złačynnaść.