Łukašenka: Sproby izalavać Biełaruś bieśpierśpiektyŭnyja
BiełTA
Sproby izalavać Biełaruś bieśpierśpiektyŭnyja, pakul my majem adnosiny z takimi hihanckimi dziaržavami, jak Indyja. Ab hetym zajaviŭ Alaksandr Łukašenka siońnia na sustrečy z prezidentam Indyi Pranabam Mukierdžy.
«Sproby izalavać Biełaruś, niejak pastavić na miesca, nacisnuć bieśpierśpiektyŭnyja, pakul my majem adnosiny z takimi hihanckimi dziaržavami, jak vaša», - skazaŭ biełaruski lidar.
Alaksandr Łukašenka padkreśliŭ, što Biełaruś chacieła b bolš hłybokich i šyrokich adnosin ź Indyjaj, tym bolš što ŭ dźviuch krain vydatnaja historyja adnosin z časoŭ Savieckaha sajuza.
«My nikoli nie skryvali hordaści za adnosiny ź Indyjaj, - skazaŭ kiraŭnik biełaruskaj dziaržavy. - My hatovy prajści svoj šlach chutka, efiektyŭna, adkazna, kali budzie na toje vaša vola, my vielmi chutka možam uźniać našy i handlova-ekanamičnyja adnosiny na narmalny ŭzrovień, jaki adpaviadaje našym patencyjałam».
Što datyčycca ŭzajemadziejańnia ŭ palityčnaj śfiery, dypłamatyi, to jon źviarnuŭ uvahu na toje, što ŭ Biełarusi i Indyi nikoli nie było niehatyŭnych adnosin i prablem. Alaksandr Łukašenka zapeŭniŭ svajho indyjskaha kalehu, što hetak budzie i ŭ dalejšym.
«Napiaredadni Vašaha vizitu ŭ Biełaruś z adnaho i druhoha boku, jak mianie infarmavali, jašče dastatkova skieptykaŭ adnosna pahłybleńnia našaha supracoŭnictva. Napeŭna, budzie pravilna, kali my takich ludziej rasčarujem i zrobim maksimum dla taho, kab našy adnosiny byli maštabnymi», - padkreśliŭ biełaruski lidar.
Alaksandr Łukašenka adznačyŭ, što ŭžo nie pieršy raz sustrakajecca z Pranabam Mukierdžy. Kiraŭnik biełaruskaj dziaržavy adznačyŭ, što jaho vizity ŭ Indyju byli vielmi paśpiachovymi i zakłali asnovu dvuchbakovych adnosin.