IBA Group adkryła novy ofis raspracovak u češskaj Ostravie
Adna z najbujniejšych IT kampanij Biełarusi i Uschodniaj Jeŭropy IBA Group abviaściła ab adkryćci novaha ofisa raspracovak. Jon adkryty ŭ červieni ŭ češskim horadzie Ostrava.
U Čechii, u Prazie, z 1999 hoda znachodzicca hałoŭny ofis kampanii, a taksama dva centry raspracovak — u češskaj stalicy i Brno.
Jak paviedamili ŭ IBA Group, pašyreńnie češskaha padraździaleńnia chołdynhu, kampanii IBA CZ, abumoŭlena pavieličeńniem popytu na IT-pasłuhi ŭ Centralnaj Jeŭropie.
U pryvatnaści, hienieralny dyrektar IBA CZ Aleš Hojka adznačyŭ, što «Paŭnočnaja Maravija i Silezija vielmi važnyja dla nas nie tolki z punktu hledžańnia isnujučych i patencyjalnych ździełak, ale i z punktu hledžańnia resursaŭ». Pavodle jaho słoŭ, dadzieny rehijon słavicca vysokim uzroŭniem adukacyi vypusknikoŭ techničnych univiersitetaŭ i intelektualnym patencyjałam jaho ekśpiertaŭ, jakija nie hatovyja źmianiać miesca žycharstva dziela pracy. Akramia taho, my chacieli b pryhledziecca da polskaha IT-rynku».
Centr raspracovak u Ostravie budzie zajmacca raspracoŭkaj partałaŭ, mabilnych dadatkaŭ i aŭtamatyzacyjaj dakumientaabarotu. Što tytčycca technałohij, asnoŭnaja ŭvaha budzie zasiarodžana na Java,.NET i HTML5.
Asnoŭnym uładalnikam IBA Group źjaŭlajecca biełaruski biznesmien Siarhiej Leŭciejeŭ.
Hrupa IBA taksama ŭvajšła ŭ apublikavany na hetym tydni Mižnarodnaj asacyjacyjaj prafiesijanałaŭ aŭtsorsinhu (IAOP) śpis viadučych pastaŭščykoŭ pasłuh aŭtsorsinhu Global Outsourcing 100.
Rejtynh pravodzicca 10-y hod zapar z metaj adznačyć pośpiechi pastaŭščykoŭ pasłuh aŭtsorsinhu. Kampanii roznych pamieraŭ z roznych krain śvietu, jakija pradstaŭlajuć uvieś śpiektr industryi aŭtsorsinhu, padali zajaŭki na ŭklučeńnie ŭ rejtynh Global Outsourcing 100. Siarod halin aŭtsorsinhu — IT-aŭtsorsinh, a taksama aŭtsorsinh biźnies-pracesaŭ, infrastruktury, nieruchomaści, prajektavańnia, testavańnia, vytvorčaści i łahistyki.
Global Outsourcing 100 uklučaje jak bolš bujnyja mižnarodnyja kampanii, jakich adnosiać da katehoryi «Lidary», tak i drobnyja firmy, što pakazvajuć chutki rost, — «Uzychodziačyja zorki». Vynikovy śpis źmiaščaje 75 «Lidaraŭ» i 25 «Uzychodziačych zorak», jakija nabrali ŭ sumie najbolšuju kolkaść bałaŭ.
U śpis taksama ŭvajšli takija biełaruskija kampanii, jak Intetics, Itransition i Oxagile.