Janot prapłyŭ viarchom na alihatary FOTAFAKT
Fota: Ryčard Džons
Amierykajec Ryčard Džons padčas špacyru ŭ nacyjanalnym parku Okała (štat Fłaryda) zrabiŭ fota, što chutka raźlaciełasia pa internecie. Historyju zdymka raspaviadaje WFTV.
Syn Džonsa spužaŭ janota, jaki siadzieŭ na bierazie. Janot zaskočyŭ na śpinu alihataru, jaki lažaŭ pobač. Alihatar ža spoŭz u vadu.
«Ja paśpieŭ zrabić zdymak jakraz tady, kali alihatar pahruziŭsia pad vadu i pierad tym, jak janot saskočyŭ i ŭciek, — raspaviadaje Džons. — Pa-za kantekstam moža zdacca, što janot asiadłaŭ alihatara, kab pierapłyć raku».
Zdymak janota dobra hladzicca pobač z sakavickim fota łaski, jakaja asiadłała dziatła. U tym vypadku ptuška taksama pradstaŭlała transpartnyja pasłuhi nie pa svajoj voli.