Niemcy raspracavali 18-vintavy viertalot VIDEA
Stvaralniki raźličvajuć pradavać aparaty za 340 tysiač dalaraŭ.
Niamieckaja kampanija e-volo raspracavała 18-rotarny dvuchmiesny latalny aparat Volocopter VC200 i hatovaja pravieści pieršy palot u bližejšyja miesiacy, piša Wired.
Dvuchmiesny aparat z elektramatoram moža razhaniacca da 100 km/h i lotać na vyšyni da 2 km. Aparat kirujecca džojścikam — tak ža lohka, jak nievialikija bieśpiłotniki, śćviardžajuć stvaralniki.
Vialikaja kolkaść rotaraŭ zabiaśpiečvaje stabilnaść aparatu ŭ pavietry i lohkaść kiravańnia, a taksama praduchilaje zdareńni ŭ vypadku niepaładak adnoha ź ich. Wired paraŭnoŭvaje kiravańnie aparatam z kiravańniem aŭtamabilem ŭ pavietry.
Z 2013 hoda Volocopter VC200 vypraboŭvajecca jak bieśpiłotny aparat, ale ŭ bližejšyja miesiacy praviaducca vyprabavańni z žyvym piłotam. Papiaredni aparat e-volo, VC1, staŭ pieršym multykoptaram, što pieravoziŭ ludziej.
e-volo raźličvaje na kamiercyjnuju vytvorčaść VC200 i jaho prodaž pa canie kala 340 tysiač dalaraŭ. Stvaralniki aparata pracujuć nad novym interjeram kabiny, abnaŭleńniem elektronnaha načyńnia i bolš tryvałymi batarejami — na siońnia «vałakoptar» moža pravieści ŭ pavietry tolki 20-30 chvilin.