Noč u Jerevanie prajšła spakojna, palicyja nie stała razhaniać demanstrantaŭ
abnaŭlajecca
U centr Jerevana ŭviečary 28 červienia byli ściahnutyja vojski i śpiectechnika. Demanstranty čakali, što siońnia buduć zatrymańni, ale palicyja nie stała razhaniać. Pratestoŭcy padzialilisia. Častka zastałasia na praśpiekcie Bahramiana, častka adyšła na płošču Svabody.
Jaŭhienij Bibin — hiendyrektar «Elektryčnych sietak Armienii», dačynnaj kampanii rasijskaj «Inter RAT».
«Inter RAT» hatovy pradać armianskija elektryčnyja sietki
07:40
Noč na 29 červienia ŭ stalicy Armienii prajšła spakojna. Palicyja nie stała pradprymać dziejańni dla razbłakavańnia praśpiekta Maršała Bahramiana, zaniataha pratestoŭcami.
Da mitynhoŭcaŭ pryjechaŭ namieśnik načalnika palicyi Jerevana, pałkoŭnik Valeryj Asipian. Jon zaklikaŭ vykonvać cišyniu, bo muzyka i skandavańnie łozunhaŭ pieraškadžajuć ludziam, jakija žyvuć u susiednich damach. «Vy parušajecie zakon, ja čarhovy raz zaklikaju vas pakinuć praśpiekt Bahramiana, viarnucca na płošču Svabody i praciahnuć tam svoj mitynh», — skazaŭ jon.
Palicyja dazvoliła demanstrantam pravieści jašče adnu noč na praśpiekcie Maršała Bahramiana ŭ Jerevanie.
Udzielniki akcyi pratestu, jakija vystupajuć suprać padaražeńnia elektraenierhii, užo roŭna tydzień błakujuć centralny praśpiekt armianskaj stalicy, dzie raźmieščany budynki administracyi prezidenta, parłamienta, Kanstytucyjnaha suda i šerahu ambasadaŭ.
Napiaredadni arhanizatary šmattysiačnaj akcyi zaklikali jaje ŭdzielnikaŭ pakinuć praśpiekt i viarnucca na Płošču Svabody, adnak vialikaja častka pratestoŭcaŭ nikudy nie pajšła.
Palicyja niekalki razoŭ papiaredziła, što rychtujecca razbłakavać vulicu, ale da rašučych dziejańniaŭ nie pierajšła.
Noč na praśpiekcie Bahramiana praviali niekalki socień čałaviek. Ranicaj pačali ŭborku terytoryi.
Byŭ zatrymany tolki adzin udzielnik akcyi, jaki zaklikaŭ da ŭzbrojenych dziejańniaŭ. Taksama stała kiepska adnamu ź lidaraŭ inicyjatyvy «Nie rabavańniu» Vahinaku Šušanianu, jamu vyklikali chutkuju.
Palicyja Armienii źbirajecca zabrać śmiećcievyja baki.
Jak zajaviŭ žurnalistam pałkoŭnik palicyi Arsien Ajvazian, rašeńnie prybrać baki pryniata na asnovie zajavy apieratara pa ŭborcy śmiećcia ŭ Jerevanie, kampanii «Sanitek».
«Kampanija zajaviła, što jaje majomaść, a mienavita śmiećcievyja baki, byli niezakonna prysvojeny i pieraniesieny, a taksama paškodžanyja», — zajaviŭ Ajvazian.
Rašeńnie vyklikała buru abureńnia pratestoŭcaŭ, piša news.am.
00:17
Členy «Nie rabavańniu» patłumačyli, u čym pryčyna ich sychodu z praśpiekta Bahramiana. Jany zajaŭlajuć, što pierajšli na płošču Svabody, kab abdumać dalejšyja kroki i abmierkavać ich razam. «Važna, kab my abdumali hodny zvarotny ŭdar», — adznačajuć jany, paviedamlaje armtoday.info
Členy inicyjatyvy taksama padkreślivajuć, što zastavacca na praśpiekcie nie mieła sensu, bo heta mahło spravakavać krovapralićcie, jakoha jany chočuć paźbiehnuć. Zastavacca siońnia na praśpiekcie jany ličać avanturaj.
00:05
Trybuna na praśpiekcie Bahramiana ŭsio jašče pustuje. Nichto nie biare na siabie adkaznaść uznačalić akcyju pratestu na praśpiekcie. Tyja, chto da hetaha času vystupaŭ z trybun adznačali, što jany zvyčajnyja hramadzianie, jakija da hetaha času stajali ŭ pieršych šerahach i chacieli vykazać svaju pazicyju.
Niahledziačy na heta, kolkaść udzielnikaŭ akcyi na praśpiekcie nie źmianšajecca. Adnak napružańnie paśla advodu palicejskich vojskaŭ źmienšyłasia, paviedamlaje armtoday.info.
Siabra inicyjatyvy «Nie rabavańniu» Vahinak Šušanian zajaviŭ, što asabista prasiŭ kiraŭnika palicyi Uładzimira Hasparana advieści palicejskija vojski. Jon zaklikaŭ palicyju nie prymianiać siłu suprać tych, chto sabraŭsia tam ludziej, zajaviŭšy, što kali tam budzie ŭžytaja siła — jon i jaho tavaryšy ŭstanuć za ludziej na praśpiekcie Bahramiana.
23:10
Premjer-ministr Armienii Ovik Abramian vystupiŭ z zajavaj u suviazi ź situacyjaj na praśpiekcie Bahramiana. U zajavie havorycca: «Siońnia na vulicy Bahramiana źjavilisia siły, čyja realnaja meta nie prablema pavyšanych taryfaŭ na elektraenierhiju, a stvareńnie ŭ krainie niestabilnaj situacyi i sutyknieńnie našych hramadzian. Apošnija vyłučyli na pieršy płan nie sacyjalny abo ekanamičny składniki, a nie zrazumiełyja pamknieńni».
23:15
Pozna viečaram častka pratestoŭcaŭ pryjšła na płošču Svabody, častka zastałasia na praśpiekcie Bahramiana, piša armtoday.info.
Pryčym kali na praśpiekcie Bahramiana, dzie znachodziacca ŭradavyja budynki, pryčynaj napružańnia vystupaje palicyja, jakaja błakavała pratestoŭcaŭ, to na płoščy Svabody pačalisia svarki pamiž aktyvistami.
Členy inicyjatyvy «Nie rabavańniu» (aktyvisty, što pieršyja vystupili suprać pavyšeńnia cen na elektraenierhiju tydzień tamu) zajavili, što nieviadomyja ludzi nie prapuskajuć demanstrantaŭ z Bahramiana na płošču Svabody. Aktyvisty «Nie rabavańniu» zaklikajuć pakinuć Bahramiana i pryjści na płošču Svabody.
Ale častka aktyvistaŭ zastałasia na Bahramiana.
Adzin z tych, chto zastaŭsia na praśpiekcie Bahramiana, Tyhran Chačumian, u hutarcy z Radyjo Svaboda — Armienija skazaŭ, što jany ničoha novaha nie vyrašyli i ničoha novaha nie patrabujuć.
«My zaklikajem palicyju, kab nas zrazumieli i abaranili», — skazaŭ jon.
Jon adznačyŭ, što jany praciahvajuć svaju baraćbu, pradstaŭlajučy try patrabavańni: admiena pavyšeńnia taryfu na elektraenierhiju, pierahlad taryfaŭ u bok źnižeńnia i pryciahnieńnie da adkaznaści tych, chto užyŭ siłu pry razhonie akcyi pratestu na praśpiekcie Bahramiana 23 červienia.
Na dumku Tyhran Chačumiana, nijakich palityčnych padtekstaŭ abo dadatkovych patrabavańniaŭ niama: narod ŭsiaho tolki patrabuje taho, čaho patrabavaŭ ŭčora i ŭ pieršy dzień. Pa słovach aktyvista, jany hatovyja zastavacca na praśpiekcie Bahramiana da taho času, pakul ich patrabavańni nie buduć zadavolenyja, bo Sierž Sarhsian nie zajaviŭ ab poŭnym vykanańni nivodnaha ź ich patrabavańniaŭ.
Eks-mer Jerevana Vaahn Chačatran zajaviŭ u intervju Doždiu, što na pratest vyjšli nie samyja biednyja ludzi, prosta «nam nadakučyła». Kolki možna davać abiacanki, kaža jon. Hetyja aŭdyty, jaki nibyta abiacaŭ pravieści Sarhsian, pravodziacca kožnyja paŭhoda [u kampanii «Elektryčnyja sietki Armienii», što pastaŭku elektraenierhii.]. U Armienii hod ad hoda źmianšajecca spažyvańnie elektraenierhii, navošta tady aŭdyty, kaža Sarhsian.
21:15
Palicejskija kardony na praśpiekcie Bahramiana adviedzieny nazad. Śpieradu zastaŭsia tolki adzin łancuh palicejskich. Pa ŭsioj bačnaści, heta zroblena z metaj źnižeńnia napružańnia, piša armtoday.info
20:40
Situacyja na praśpiekcie Bahramiana nieadnaznačnaja
Palicyja pieryjadyčna prymianiaje psichałahičny cisk, stukajučy dubinkami pa ščytach, ale cisk nie dziejničaje, u adkaz udzielniki akcyi ŭ ton pačynajuć plaskać u dałoni. Ab nieadnaznačnaj situacyja zajaŭlajuć i pradstaŭniki inicyjatyvy «Žyvy ščyt». Jany adznačajuć, što baki pavinny pačać pieramovy i paźbiehnuć prymianieńnie siły ŭ takoj situacyi.
20:32
Na praśpiekcie Bahramiana śviatar zaklikaŭ usich pračytać malitvu «Ojča naš». Skarystaŭšysia hučnaj suviaźziu ŭ palicejskaha aŭto, jon pračytaŭ usłych malitvu.
«My nie zachodniaja i ŭschodniaja Armienii, my adziny kułak, jaki nazyvajuć armianski narod». Jon zaklikaŭ narod da miru, «zaklikaju być pilnym, kab paźbiehnuć lišniaha hvałtu». «Heta nie vypadak kali treba padstavić inšuju ščaku, ale treba być sumlennymi chryścijanami». Jon zaklikaŭ ludziej da strymanaści i pamiarkoŭnaści, piša armtoday.info.
19:50
Ciapier na praśpiekcie Bahramiana kolkaść udzielnikaŭ akcyi pratestu dachodzić da 10 tysiač čałaviek. Palicyja błakavała udzielnikaŭ akcyi jak z boku Bahramiana, tak i z boku płoščy Francyi. Niahledziačy na nastojlivyja zakliki palicyi razyścisia, demanstranty nie sychodziać, paviedamlaje armtoday.info.
Situacyja vielmi niervovaja i niebiaśpiečnaja. Udzielniki skandujuć «My haspadary našaha horada!», «Armienija!», «Pieramoha!». U centr Jerevana ściahnuta biesprecedentnaja kolkaść sił palicyi.
Pamiž udzielnikami akcyi pratestu i palicyjaj pradstaŭniki šou-biznesu i palityčnych sił sfarmavali žyvy ščyt.
***
Načalnik palicyi Armienii Uładzimir Hasparan viečaram daŭ demanstrantam paŭhadziny, kab vyzvalić praśpiekt Bahramiana ŭ centry Jerevana (paźniej ultymatum byŭ padoŭžany da 23:00 (22:00 pa minskim časie), kali nastupajuć hadziny cišyni. Palicejskija zabrali ŭ pratestoŭcaŭ mikrafony i stukajuć dubinkami ŭ ščyty. U centr horada ściahnutyja vojski i śpiectechnika.
***
Pratesty ŭ Jerevanie doŭžacca amal tydzień, ludzi vyjšli pratestavać suprać pavyšeńnia cenaŭ na elektryčnaść na 16%. U noč na aŭtorak pratest byŭ razahnany vadamiotami i ŭ vyniku mocna pašyryŭsia.
U subotu ŭviečary prezident Armienii Sierž Sarhsian abviaściŭ ab tym, što z 1 žniŭnia žycharam krainy i pradpryjemstvam nie pryjdziecca płacić za elektryčnaść pa novaj canie, ale tolki da toj pary, pakul nie skončycca aŭdytarskaja pravierka kampanii «Elektryčnyja sietki Armienii» i nie budzie znojdzieny adkaz na pytańnie, nakolki apraŭdana pavyšeńnie koštu elektraenierhii prykładna na 16%. Na čas pravierki vydatki pa pahašeńni bujnoha doŭhu kampanii voźmie na siabie ŭrad.