HUUS anulavała kuplu minskim muziejem rajala za 570 młn rubloŭ
Jak paviedamili ŭ pres-słužbie HUUS, u chodzie pravieračnych mierapryjemstvaŭ pa dziaržaŭnych zakupkach supracoŭnikami ŭpraŭleńnia pa baraćbie z ekanamičnymi złačynstvami HUUS Minharvykankama sumiesna z kalehami z Centralnaha RUUS vyjaŭleny parušeńni pry praviadzieńni pracedury zakupki darahoha rajala.
Supracoŭniki UBEZ ažyćciaŭlali supravadžeńnie pracedury dziaržaŭnaj zakupki nazvanaha muzyčnaha instrumienta. Zakazčykam i inicyjataram vystupaŭ adzin z muziejaŭ Minska. Pieramožcam u hetaj pracedury stała adna sa staličnych kampanij z canoj prapanovy bolš za 570 młn. rubloŭ. Ź joj i byŭ zaklučany dahavor pastaŭki na nazvanuju sumu.
Adnak u vyniku praviadzieńnia kantrolnych mierapryjemstvaŭ pa dziaržaŭnaj zakupcy apieratyŭnikami byli vyjaŭleny istotnyja parušeńni ŭ konkursnych dakumientach pry praviadzieńni hetaj pracedury, adznačyła pres-słužba.
Praanalizavaŭšy praces zakupki i pradastaŭlenyja dakumienty, uličvajučy parušeńni, było pryniata rašeńnie ab anulavańni ździełki. Dahavor zakupki z pastaŭščykom, adpaviedna, byŭ skasavany.