Bijołahi: udavy nikoha nie dušać
Kab dakazać heta, daśledčyki patracili 17 pacukoŭ.
Fota: Eisen Jiao
Amierykanskija bijołahi dakazali realnuju pryčynu śmierci achviar udavaŭ, pra što raspaviali ŭ časopisie The Journal of Experimental Biology.
Udavy nie atakujuć dychalnuju sistemu achviar — ad ich ściskańniaŭ parušajecca praca kryvianosnaj sistemy, što ŭ svaju čarhu parušaje mietabalizm mozhu, serca, piačonki i inšych orhanaŭ.
Daśledčyki źmiaścili ŭ kletku z udavam 17 pacukoŭ pad aniestezijaj U ich cieły ŭžyvili datčyki, što mierali arteryjalny i vianozny cisk, častatu bijeńnia serca, chimičnyja asablivaści kryvi i inšyja pakaźniki stanu pacukoŭ padčas taho, jak ich dušyŭ udaŭ.
Jak pakazali ekśpierymienty, udaŭ zabivaŭ pacukoŭ ciskam svajho cieła ŭ 140 mm rt. sł. u siarednim za 6 z pałovaj chvilin. Ale śmierć nadychodziła nie ad udušša, a ad parušeńnia pracy kryvianosnaj sistemy. Za čas ataki puls achviar stanaviŭsia ŭ amal čatyry razy radziejšym, u kryvi padskokvała kisłotnaść i ŭtrymańnie kaliju.
***
Udavy žyvuć u Cantralnaj i Paŭdniovaj Amierycy dy na astravach u Akijanii. Dasiahajuć u daŭžyniu 5 i bolš mietraŭ. Nie atrutnyja. Charčujucca nievialikimi žyviołami i reptylijami, ludziej atakujuć krajnie redka.