U Biełarusi abmiarkoŭvajecca pytańnie pra biaźvizavy ŭjezd na try dni
Pytańnie pra biaźvizavy ŭjezd turystaŭ u Biełaruś na try dni znachodzicca ŭ stadyi abmierkavańnia. Pra heta zajaviŭ vykonvajučy abaviazki dyrektara Nacyjanalnaha ahienctva pa turyźmie Ryhor Pamiarancaŭ siońnia na respublikanskim forumie prahramy sadziejničańnia raźvićciu turyzmu Belarus N.
«Hetaje pytańnie aktualnaje, jano razhladajecca i prahavorvajecca, jość niuansy, jakija treba ŭličyć. U lubym vypadku tut jość vialiki patencyjał, heta možna bačyć na prykładzie inšych krain», — adznačyŭ Ryhor Pamiarancaŭ.
V.a. dyrektara Nacahientstva pa turyźmie nahadaŭ, što ŭžo padpisany ŭkaz ab tym, što bieź viz u Biełarusi da troch sutak zmohuć znachodzicca hramadzianie Kitaja.
«Biełaruś — tranzitnaja dziaržava, nad krainaj kožnuju chvilinu pralataje vielizarnaja kolkaść łajnieraŭ z zamiežnymi turystami, biźniesmienami na borcie. U nas jość vydatny aeraport — tranśfierny vuzieł i avijakampanija, kali pryciahnuć u jakaści turystaŭ choć by 3-4% avijapasažyraŭ, my budziem bolš efiektyŭna vykarystoŭvać tranzitny patencyjał krainy», — dadaŭ Ryhor Pamiarancaŭ.