U Zakarpaćci hruzavik z 35 ludźmi pierakuliŭsia ŭ prorvu
DTZ adbyłosia ŭ paniadziełak ranicaj, paviedamlaje kiraŭnik Zakarpackaj vobłaści Ukrainy Hienadź Maskal.
Ludzi ŭ aŭtobusie jechali pa čarnicy. Hruzavy bartavy aŭtamabil «HAZ-66» nie byŭ pryznačany dla pieravozki pasažyraŭ. Na padjomie hruzavik zahłuch, a potym pieraviarnuŭsia ŭ prorvu.
Pavodle papiarednich dadzienych, adna žančyna (joj było 55 hadoŭ) zahinuła na miescy, jašče 16 atrymali traŭmy roznaj stupieni ciažkaści.
Kiroŭca (małady chłopiec, jaki kiravaŭ hruzavikom pa davieranaści) ŭ ciažkim stanie.
Paranienych evakuiravali ź miesca avaryi z dapamohaj usiudychodaŭ (da padnožža hary vyjechali bolš za 10 «chutkich»), usie jany špitalizavanyja.
Hienadź Maskal daŭ daručeńnie zabiaśpiečyć paciarpiełych maksimalnaj miedycynskaj dapamohaj i detalova rasśledavać pryčyny avaryi.