U Miorskim rajonie zastreleny jehier, mahčymaja pryčyna — pomsta
Jak paviedamiŭ aficyjny pradstaŭnik upraŭleńnia Śledčaha kamiteta pa Viciebskaj vobłaści Ina Harbačova, viečaram 24 lipienia ŭ pravaachoŭnyja orhany pastupiła infarmacyja, što ŭ dvary ŭłasnaha doma ŭ vioscy Ćviecina Miorskaha rajona z ahniastrelnaj zbroi zabity jehier Dziśnienskaha lashasa 1958 hoda naradžeńnia. Złačynca ź miesca zdareńnia ŭciok.
Z metaj ustanaŭleńnia pa haračych śladach padazronaha ŭ siami rajonach Viciebskaj vobłaści ŭvodziŭsia płan «Sirena», byli zadziejničanyja ŭsie nieabchodnyja siły padraździaleńniaŭ SK i orhanaŭ unutranych spraŭ.
Ranicaj 25 lipienia pavodle padazreńnia va ŭčynieńni złačynstva ŭ zakinutym domie ŭ vioscy Ćviecina byŭ zatrymany miascovy žychar 1970 hoda naradžeńnia. U dačynieńni da jaho Miorskim rajonnym adździełam SK raspačataja sprava na padstavie p. 6 č. 2 art. 139 KK (zabojstva, učynienaje z asablivaj žorstkaściu).
Śledčyja praciahvajuć pracu: dapytvajuć śviedak, fiksujuć materyjalnyja ślady złačynstva, pryznačajuć ekśpiertnyja daśledavańni, pravodziać inšyja nieabchodnyja śledčyja dziejańni. Jak miarkujuć, matyvam učynieńnia złačynstva źjaŭlajecca pomsta za vykanańnie zahinułym hramadskaha abaviazku.