Kazachstan abahnaŭ Rasiju pa VUP na dušu nasielnictva
Pa vynikach I paŭhodździa kazachstanskaja ekanomika abahnała rasijskuju pa VUP na dušu nasielnictva. Zhodna z prahnozam, pa vynikach 2015 hoda VUP na dušu ŭ Rasii składzie $11975, u Kazachstanie — $12424.
Rasijskaja ekanomika prachodzić surjoznyja vyprabavańni sankcyjami, nizkimi cenami na enierhanośbity, i, jak śledstva, słabaściu rubla da dalara. Uličvajučy prahnoz APIEK, rasijski VUP pa vynikach 2015 skarocicca na 2,8% da $1,755 trłn, što pry siaredniehadovym prahnoznym kursie 59 rubloŭ za dalar u biahučych cenach składzie 103,6 trłn rubloŭ.
Zhodna ź nizkim varyjantam prahnozu Rasstata, varta čakać papulacyju ŭ 146,6 młn čałaviek, što zrobić VUP na dušu ŭ Rasii — 706,5 tys. rubloŭ, abo $11975 na kožnaha rasijanina. Padzieńnie hetaha pakazčyka abumoŭlenaje nie tolki drennym źniešnim makraekanamičnych fonam, ale i pryrostam nasielnictva na 2,3 młn čałaviek za košt žycharoŭ Kryma i Sievastopala.
Kazachstanski VUP pavodle prahnozu Azijackaha banka raźvićcia ŭ hetym hodzie vyraście na 1,9% da $216,3 młrd, što pry prahnoznym siaredniehadovym kursie 189 tenhie za dalar składzie 40,9 trłn tenhie. Pry zachavańni pryrostu nasielnictva na ŭzroŭni 1,5% u hod ahulnaja kolkaść kazachstancaŭ składzie 17,7 młn čałaviek, što zrobić VUP na dušu ŭ Kazachstanie 2,4 młn tenhie abo $12424.
Takim čynam, pry kros-analizie dynamiki VUP na dušu nasielnictva Kazachstan užo siońnia apiaredžvaje Rasiju ŭ hetym pakazčyku.