U Mazyry prahułačny ciepłachod z pasažyrami sieŭ na miel
U Mazyry na race Prypiać prahułačny ciepłachod «Śmieły» sieŭ na miel. 13 pasažyram spatrebiłasia dapamoha ŭ evakuacyi, paviedamili ŭ pres-słužbie Homielskaha abłasnoha ŭpraŭleńnia MNS.
Incydent adbyŭsia 30 lipienia kala 18.00. Vykarystoŭvajučy katar i łodku, pasažyraŭ pieravieźli na bierah. Paciarpiełych niama. Paśla taho jak evakuacyja zaviaršyłasia, ciepłachod biez starońniaj dapamohi syšoŭ ź mieli i prybyŭ na miesca dysłakacyi ŭ park Pieramohi rajonnaha centra.
Na rekach Homielščyny ŭzrovień vady ciapier nižej krytyčnych adznak. Z-za praciahłaj zasuchi reki abmiali praktyčna paŭsiudna, tamu na dadzieny momant prypyniena hruzavoje sudnachodstva pamiž partami. Taksama źviedzienyja da minimumu račnyja prahułačnyja maršruty.