U harach Kaŭkaza raźbiŭsia biełaruski alpinist Uładzimir Sirocin
Siońnia jaho cieła pavinny pryvieźci ŭ Biełaruś.
Na minułym tydni pry ŭzychodžańni na haru Džanhitaŭ u Kabardzina-Bałkaryi zahinuŭ biełaruski alpinist. Heta byŭ 64-hadovy Uładzimir Sirocin, viadomy i jak fatohraf.
Sirocin — fizik pa adukacyi. Ale lubiŭ padarožžy. I bolš za 30 hadoŭ zajmaŭsia alpinizmam. Jon padymaŭsia na viaršyni Kaŭkaza i Pamira, chadziŭ u łyžnyja pachody pa Urale i Kolskim paŭvostravie. I pastajanna braŭ z saboj kamieru. Da 60-hodździa, u 2011, jon zładziŭ fotavystavu «Hory poŭnačy i poŭdnia».
Sioleta Uładzimir adpraviŭsia ŭ hory prosta z vodnaj vandroŭki pa Vilii šlacham Tyškieviča. Jak raskazali znajomyja, 4 žniŭnia jon užo mierkavaŭ viarnucca ŭ Biełaruś. Tak stałasia, što akurat 4 žniŭnia pavinny pryvieźci ŭ Minsk jaho cieła.