List biełarusaŭ Polščy da premjer-ministra Donalda Tuska
dadałosia videa
Šanoŭny Spadar Premjer! My, nižejpadpisanyja, chočam źviarnuć Vašu ŭvahu na žalu hodnaje zdareńnie, jakoje mieła miesca ŭ Biełastoku padčas Festyvalu biełaruskaj pieśni ŭ subotu 23 lutaha 2008 hodu.
Šanoŭny Spadar Premjer!
My, nižejpadpisanyja, chočam źviarnuć Vašu ŭvahu na žalu hodnaje zdareńnie, jakoje mieła miesca ŭ Biełastoku padčas Fiestyvalu biełaruskaj pieśni ŭ subotu 23 lutaha 2008 hoda.
Dva studenty ź Biełarusi, jakija vučacca ŭ stalicy Padlašskaha vajavodstva ŭ ramkach stypiendyi imia Kastusia Kalinoŭskaha (heta stypiendyjalnaja prahrama ŭrada Respubliki Polšča dla biełaruskaj moładzi adličanaj z vučelniaŭ za apazicyjnuju dziejnaść), razharnuli bieł‑čyrvona‑bieły nacyjanalny ściah. Hetyja maładyja ludzi byli siłaj vyniesieny z zały achoŭnikami, chacia jany spakojna stajali pobač sceny, što vidać na pryłožanym kampakt‑dysku z zapisam usiaho zdareńnia.
Bieł‑čyrvona‑bieły ściah byŭ ustanoŭleny aficyjnym dziaržaŭnym ściaham vybivajučajsia na niezaležnaść Biełaruskaj Narodnaj Respubliki 25 sakavika 1918 hoda i niezaležnaj Respubliki Biełaruś u 1991 hodzie. U 1995 hodzie, nasupierak vykazanaha ŭ refierendumie mierkavańnia naroda, hety ściah byŭ niezakonna zamienieny na čyrvona‑zialonyja kolery, jakija źviartajucca da kamunistyčnaj simvoliki. Bieł‑čyrovna‑bieły ściah čynoŭniki prezidenckaj administracyi tryumfalna parezali na kavałki. Nasupierak usiamu biełarusy va ŭsim śviecie nadalej ličać hety ściah nacyjanalnym.
My, polskija biełarusy, padymali hety ściah z pałovy 1980‑ch hadoŭ, kali heta studenty, členy Biełaruskaha abjadnańnia studentaŭ, advažylisia vystupić pad im. Na praciahu 20 hadoŭ, pry lubych uradach — kamunistyčnych, postkamunistyčnych ci postsalidarnickich — nichto ŭ Polščy nie padniaŭ ruku na hety ściah, až da minułaj suboty. Prytym adbyłosia heta ŭ prysutnaści pradstaŭnikoŭ polskich parłamientaryjaŭ i miascovych deputataŭ, padlašskich i biełastockich samaŭradavych uład, ź jakich nichto nie adreahavaŭ na hety skandalny ŭčynak. Prytym z zasmučeńniem davodzicca śćviardžać, što ŭładu ŭ Padlašskim vajavodstvie i horadzie Biełastoku trymaje mienavita Vaša palityčnaja hrupoŭka supolna ź mienšymi kaalicyjantami.
Vy, Spadar Premjer, jak historyk i kolišni dziejač demakratyčnaj apazicyi daskanała razumiejecie jak važnuju rolu ŭ atrymańni Polščaj paŭnaty niezaležnaści ŭ 1989 hodzie adyhryvała adčuvańnie histaryčnaj i dziaržaŭnaj supolnaści, simvałam jakoha byŭ dzień 11 listapada 1918 hoda. Svaimi raniejšymi vykazvańniami, pajezdkami ŭ Biełaruś i sustrečami ź dziejačami našaj supolnaści ŭ kastryčniku 2005 hoda Vy ŭmacavali nas usich u pierakańni, što demakratyčnaja Biełaruś zaŭsiody budzie karystacca Vašaj padtrymkaj. U suviazi z hetym źviartajemsia da Vas z prośbaj pryniać adekvatnyja miery, kab padobnaja prafanacyja biełaruskaha nacyjanalnaha ściaha nie paŭtaryłasia ŭ budučym.
Z pavahaj
Da viedama:
Maršałak Siejma RP Branisłaŭ Kamaroŭski
Vice‑premjer Valdemar Paŭlak
Maršałak Padlašskaha vajavodstva Jarasłaŭ Dvažanski
Padlašski vajavoda Maciej Žyŭna
Prezident horada Biełastoka Tadeuš Truskalaski
Srodki masavaj infarmacyi
Spasyłku na videa dasłaŭ sp. Siabar |