Kryvavaja bojnia ŭ Nižnim Noŭharadzie: baćka zabiŭ šeść dziaciej i ichnuju maci
Rasija ŭ šoku: u Nižnim Noŭharadzie ŭ adnoj z kvater horada byli znojdzieny rasčlanionyja pareštki šaści dziaciej va ŭzroście da siami hadoŭ.
Achviaraj zabojcy, jak miarkujecca, stała i ich maci.
Hałoŭnym padazravanym na dadzieny momant ličycca baćka siamiejstva.
Na miescy kryvavaj raspravy pracujuć kryminalisty.
Baćka byŭ invalidam druhoj hrupy ź psichičnym zachvorvańniem. Jon i raniej źbivaŭ svaju žonku.
Susiedzi čuli kryki «Ratujcie» 25 lipienia, da ich prybiahała maci dziaciej, kryčučy, što baćka zabivaje dziaciej, ale tryvohu nichto nie ŭspryniaŭ usurjoz.
Trahiedyju vyjavili, kali ŭ zvon stała bić babula dziaciej, jakaja doŭha nie mahła ź imi źviazacca.
Na radzimie padazravanaha va Uładzimirskaj vobłaści vyjavili i trup jahonaj maci, paviedamlajuć rasijskija ŚMI.
Padazravanaha zatrymali.