U Brytanii 14-hadovy školnik atrymaŭ 11 hadoŭ za sprobu zabojstva
Brytanski padletak, jaki napaŭ z nažom na svajho nastaŭnika, prysudžany da 11 hadoŭ pazbaŭleńnia voli za sprobu zabojstva z abciažarvalnymi abstavinami.
Jak paviedamlajecca, 11 červienia 14-hadovy padsudny, imia jakoha nie nazyvajecca z-za jaho junaha ŭzrostu, udaryŭ kuchonnym nažom 50-hadovaha nastaŭnika Vinsenta Uzoma, paśla taho jak toj pryhraziŭ zabrać u jaho mabilny telefon.
Prysiažnyja ŭ adnym z sudoŭ horada Bredfard ŭbačyli ŭ spravie abciažarvajučyja abstaviny: pierad tym, jak napaści na vykładčyka, padletak abraziŭ jaho pavodle rasavaj prykmiety, a źbiehšy sa škoły paśla incydentu, vučań u pabłažlivym tonie apisaŭ svoj učynak.
Taksama pa śviedčańni abvinavačvańnia, padletak abmiarkoŭvaŭ svaje namiery ź siabrami pierad tym, jak ździejśniŭ napad.