Mahutny vybuch u centry Banhkoka: 27 čałaviek zahinuli, vaśmiora ź ich — zamiežnyja turysty FOTA
dapoŭniena
U centralnym dziełavym rajonie stalicy Tajłanda Banhkoka prahrymieŭ mocny vybuch. Telebačańnie Tajłanda paviedamiła pra 27 zahinułych, vosiem ź ich - zamiežniki.
Raniej paviedamlałasia, što ŭ vyniku vybuchu zahinuli 12 abo 15 čałaviek i paraniena bolš za 80 čałaviek.
Jak paviedamlaje karespandent Bi-bi-si Džonatan Chied, tam panuje chaos — usiudy valajucca častki čałaviečych cieł.
Napad adbyŭsia ŭ 19:00 pablizu chrama Eravan u centralnym rajonie Banhkoka Čydłom. Hety chram źjaŭlajecca miascovaj słavutaściu. Pobač ź im znachodzicca piacizorkavy hatel.
Ludzi, jakija znachodzilisia pablizu chrama, adčuli poŭnuju siłu vybuchu, jaki adbyŭsia pablizu centralnaha skryžavańnia Radžprasonh, dzie ŭ apošnija hady pravodzilisia palityčnyja demanstracyi.
«Złamyśniki płanavali razburyć ekanomiku i turyzm, bo incydent adbyŭsia ŭ samym sercy turystyčnaha rajona», — zajaviŭ ahienctvu Rojterz ministr abarony Tajłanda hienierał-pałkoŭnik Pravit Vonhsuvan.