Ekipaž airBaltic sprabavaŭ vylecieć z Narviehii pjanym
Narviežski sud asudziŭ piłota na paŭhoda turmy.
Fota Vg.no.
U Skandynavii z hetym stroha. 8 žniŭnia ekipaž złavili na ałkaholi. A 17 žniŭnia narviežski sud užo asudziŭ druhoha piłota na paŭhoda turmy. Abvinavačany pryznaŭ svaju vinu. A voś kamandzir ekipaža viny nie pryznaŭ, tamu jahony praces pieraniesieny na 17 vieraśnia. Da sudu jon zastaniecca ŭ turmie.
Uvieś ekipaž nie prajšoŭ pravierki na ałkahol pierad palotam.
U kryvi 38-hadovaha druhoha piłota było vyjaŭlena siem razoŭ bolš ałkaholu, čym dazvolena normaj. Jon pryznaŭsia, što niezadoŭha da palotu jon z kalehami raśpiŭ dźvie butelki viski i jašče piva.
Samalot pavinien byŭ dastavić kala sta pasažyraŭ z aeraporta Gardermoen (Osła) ŭ Hrecyju na vostraŭ Kryt, paviedamlajuć narviežskija ŚMI.
Paviedamleńnie pra padazronyja pavodziny ekipažu pryjšło ananimnym telefonnym zvankom. Ułady aeraporta zreahavali imhnienna.
airBaltic — nacyjanalnaja łatvijskaja avijakampanija. Jak i biełaruskaja «Biełavija», jana naležyć dziaržavie. airBaltic stała vialikim rynkavym pośpiecham, bo pieršaj u Bałtyi pieratvaryłasia ŭ «tannyja avijalinii» i dziakujučy hetamu zaniała vialikuju nišu na rynku.
Kampanija pačała praceduru zvalnieńnia aryštavanaha ekipažu. Jak viadoma, piłoty — adna z samych vysokaapłatnych prafiesij u Centralnaj i Uschodniaj Jeŭropie, bo rynak hetaj prafiesii hłabalizavany.