Uzbrojeny miaciež u Tadžykistanie: zabity 33 vajskoŭcy, viernyja prezidentu Rachmonu
U chodzie napadaŭ ŭ Dušanbe zahinuli 33 supracoŭniki MUS i Minabarony Tadžykistana, a taksama 9 vajskoŭcaŭ z hrupoŭki miaciežnaha namieśnika ministra abarony, paviedamili ŭ piatnicu infarmacyjnyja ahienctvy.
Napadami kiravaŭ były namieśnik ministra abarony Abduchalim Nazarzada. Jon naležaŭ da tadžyckaj apazicyi, što vajavała za ŭładu ŭ 1990-ja, a paśla, pavodle pahadnieńnia pra mir, atrymała 30% pasadaŭ u dziaržaparacie.
Na minułym tydni prezident Rachmon zabaraniŭ Partyju isłamskaha adradžeńnia, što vyjšła z uzbrojenaj apazicyi 90-ch i zvolniŭ Nazarzadu.
Jak paviedamlajecca, Nazarzada i 135 viernych jamu bajcoŭ desantna-šturmavoj bryhady Ministerstva abarony znachodziacca za 45 kiłamietrach na ŭschod ad Dušanbe ŭ ciaśninie Ramit.
Tadžykistan uvachodzić u Arhanizacyju damovy ab kalektyŭnaj biaśpiecy razam ź Biełaruśsiu.
Hramadzianskaja vajna 90-ch išła miž isłamistami i postkamunistami. Na čale apošnich stajaŭ prezident Rachmon. Paśla padpisańnia damovy ab prymireńni Rachmon pastupova padmiaŭ pad siabie ŭsie struktury ŭłady ŭ krainie.
Na situacyju ŭ krainie mocna ŭpłyvaje vajna ŭ Afhanistanie, dzie žyvie šmat tadžykaŭ, i padzieńnie ekanomiki Rasii, u vyniku jakoha šmat hastarbajtaraŭ vymušany byli viarnucca damoŭ biespracoŭnymi.