Palicyja Danii pierakryła trasu, kab biežancy prajšli ŭ Šviecyju
Palicyja Danii ŭ paniadziełak uviečary zakryła ruch pa trasie, pa jakoj mihranty pieššu iduć u Šviecyju.
Pra heta paviedamlaje vydańnie The Local.
«Heta było zroblena dla biaśpieki ludziej, jakija iduć ŭzdoŭž aŭtamahistrali», — zajavili ŭ palicyi.
Pry hetym byŭ pierakryty ŭčastak daŭžynioj 30 km na trasie, jakaja viadzie ŭ Kapienhahien.
Kala 150 mihrantaŭ u paniadziełak pieššu išli ŭ Šviecyju praz terytoryju Danii.
Pry hetym mnohija ź ich byli źniasilenyja i pahadzilisia spynicca i zarehistravacca ŭ dackich prytułkach dla biežancaŭ.
Jak paviedamiŭ učora premjer-ministr Danii Łars Lokie Rasmusien, ciaham sutak u Daniju pryjšli 400 mihrantaŭ, adnak užo praź niekalki hadzin ich kolkaść padvoiłasia.