Hihin rychtuje publiku da paharšeńnia adnosin z Zachadam paśla vybaraŭ
«Paśla prezidenckich vybaraŭ adnosiny Biełarusi i Zachadu pahoršajuć ci palepšajuć?» — takoje pytańnie było «zadadzienaje hledačam» telekanała ANT uviečary 21 vieraśnia na tok-šou «Sprava pryncypu». Vynik akazaŭsia taki: prahnoz «pahoršajuć» dali 79% telehledačoŭ, prahnoz «palepšajuć» — 21%.
Možna być upeŭnienym, što vyniki «hałasavańnia hledačoŭ» na šou Vadzima Hihina — nasamreč nijakija nie vyniki hałasavańnia, a častka scenaru. Tak jak i ŭsia prahrama — instrumient apracoŭki hramadskaj dumki.
Tamu ličby, prademanstravanyja ŭ prahramie «Sprava pryncypu», prymušajuć zadumacca ŭsich, chto spadziavaŭsia na doŭhaterminovuju narmalizacyju adnosin Biełarusi z Zachadam.