Pačaŭsia sud nad Nadziejaj Saŭčanka
U Daniecku (Rastoŭskaja vobłaść) pačałosia słuchańnie spravy hramadzianki Ukrainy Nadziei Saŭčanka, jakaja abvinavačvajecca ŭ datyčnaści da hibieli rasijskich žurnalistaŭ u Danbasie.
Na pieršaje pasiadžeńnie ŭ zału suda nie puścili žurnalistaŭ — ich supravadzili ŭ susiedniuju aŭdytoryju i arhanizavali videatranślacyju.
fota z fejsbuka advakata Nadziei Ilji Novikava
Nadzieja Saŭčanka abvinavačvajecca ŭ tym, što 17 červienia 2014 h ažyćciaŭlała karekciroŭku abstrełaŭ u Łuhanskaj vobłaści ŭ składzie bataljona «Ajdar». U vyniku abstrełaŭ zahinuli žurnalisty VHTRK Ihar Karnialuk i Anton Vałošyn.
Saŭčanka śćviardžaje, što jaje vykrali i dastavili na terytoryju Rasii. Rasijskija ŭłady ličać, što jana samastojna pierajšła miažu z RF, paśla čaho była zatrymanaja.